Италия және Франция қалаларына жұмыс сапары

27 қазаннан 2 қарашаға дейін «Мемсараптама» РМК-нің сәулет-жобалау бөлімінің мамандары ботаникалық бақ жұмысы мен ұйымдастырудың шетелдік тәжірбиесін зерделеу мақсатында Италия және Франция қалаларында болды. Жұмыс сапарын «Керемет-Инвест» ЖШС ұйымдастырды. Виттирио Венето қаласында Permasteelisa group компаниясының зауытына бару ұйымдастырылды. Кездесу мен таныстыруды Permasteelisa group компаниясының жетекші инженерлері мен конструкторларының және Cimolai серіктестік компанияның өкілдерінің қатысуымен, компания басшысы Ферерика Сем ұйымдастырды. Зауыт шыныдан, траветиннен, құрамында шыны қолданылатын жасанды тастан қасбет жүйесін дайындайды. Шыныдан және басқа материалдан жасалған (сейсмотұрақтылығы, температура режимінің өзгеруі, жел жүктемелері) аспалы қасбет жүйесінің конструкциясын тестілеуге арналған қондырғылар көрсетілді. Ал Венецияда мамандар Permasteelisa group кеңсесінде болды. Cimolai және Permasteelisa фирмаларының жетекші конструкторларымен және инженерлерімен Астана қаласындағы инженерлік жүйе және энергиямен жабдықтау жүйелерінің, жылыэжай және өтпелі галерияның, ботаникалық бақ жобасы үшін жобаланатын ғимараттың өрт қауіпсіздігі бойынша конструктиті шешімдердің нұсқалары ұсынылды. Сондай-ақ өсімдіктің өсуі үшін жайлы жағдай жасау бойынша инженерлік шешім нұсқасы да ұсынылды (ауаның ылғалдығын сақтап тұру, қажет жарық және т.б.). 29 қазанда мамандар Порденоне қаласындағы Cimolai компаниясының кеңсесінде болды. Компания металлоконструкция саласында Италияда қалай жұмыс істесе, дәл солай шетелде де жұмыс істейтін алдыңғы компаниялардың бірі болып табылады. Компания көпірлер, виадуктар, стадиондар, тұрғын және тұрғын емес орын-жайлар, әскери ғимараттар, оффшорлар және кемелер үшін өнеркәсіптік мақсаттағы дәнекерлеу мәтке, танкерлерге арналған тот баспайтын құрыштан жасалған гофрленген қалқандар, электр өткізгіштік желілер мен телевизиялық кабелдерге арналған цилиндрлік және полигонды тіреуіштер, қалыңдығы мен диаметрі биік тұрбалар, сондай-ақ кеме корпустар өндірісі бойынша маманданады.