«Қазандықтарды жобалау мен салу. Қазандықты эксплуатациялауға жіберу» семинары

2012 жылға арналған «Мемсараптама» РМК сарапшыларының біліктілігін көтерудің бекітілген бағдарламасына сәйкес инженерлік желілер мен құрылыстар секторының мамандары 2012 жылдың 11-15 маусымы аралығында «Прогресс» ақпараттық ғылыми-техникалық орталығы ұйымдастырған семинарға қатысты. Семинар тақырыбы «Қазандықтарды жобалау мен салу. Қазандықты эксплуатациялауға жіберу».
Семинарда келесідей тақырыптар қаралды:
- нормативтік-техникалық құжаттама мен оның талаптары; энергоаудат және жылумен қамту схемасын техника-экономикалық талдау;
- ТЭН-і әзірлеу кезіндегі экономика мен экономикалық аспектілер;
- қазандықты эксплуатацияға жіберу;
- қазандықтың жылу схемасын талдау, жабдықтар мен арматураларды таңдау аспектілері. Жобалау құжаттамасының көлемі мен құрамы. Энергия тиімділігі мен энергияны үнемдеу;
- қазандық салу; режимдік-баптау жұмыстары; іске-қосу-баптау жұмыстары; ІБЖ-ның нәтижелері бойынша техникалық есеп беруді кешенді сынау және әзірлеу.
Семинар барысында «Мемсараптама» РМК-ның мамандары гидравликалық ажыратқыш қондырғылары бар қазандықтың жылу схемаларымен, заманауи қазандық жабдықтары жөніндегі ақпаратпен, сондай-ақ энергия үнемдеу іс-шараларымен танысты.
Семинар соңында барлық қатысушыларға қысқамерзімді біліктілігін көтеру туралы мемлекеттік үлгідегі куәлік берілді.