«Мектепке жол» атты қайырымдылық акция

«Мемсараптама» РМК-нің Қарағанды облысы бойынша филиалының Жастар кеңесімен тұрақты түрде түрлі қайырымдылық іс-шаралар өткізіліп отырады. Осы жолы Филиал қызметкерлері Қарағанды қаласының білім бөлімімен бірлесе «Мектепке жол» атты қайырымдылық іс-шараға белсене қатысты. Акцияның мақсаты – Білім күні – бірінші қыркүйек қарсаңында аз қамтылған және көп балалы отбасылар оқушыларына материалдық және өзге де көмек көрсету. Осы айтулы күн мектеп жасындағы балалардың барлығына жаппай мереке күні болуы тиіс. Баланы мектепке дайындау, барлық қажетті заттарды сатып алу – өте шығынды іс. Бір үйде бірнеше оқушы бар отбасыларына, сондай-ақ қиын өмірлік жағдайға душар болған отбасыларға әсіресе қиын. Баланы мектепке дайындау тіпті шешілмейтін мәселеге айналып, жаңа оқу жылының қуанышын бұзуы мүмкін. Жыл сайын 1 тамыздан 30 қыркүйекке дейін жүргізілетін «Мектепке жол» атты жалпы республикалық қайырымдылық акцияны қолдау үшін Филиал ұжымы ақша қаражатын жинауды ұймдастырды. Жиналған ақша қаражаты аз қамтылған отбасылардан шыққан балаларға, сондай-ақ «Алтын Алқа» белгісімен марапатталған батыр ананың балаларына рюкзактар, мектеп керек-жарақтарын және бірыңғай мектеп формасын сатып алуға жұмсалды. Жалпы 6 оқушыға көмек көрсетілді. Филиал басшылығы белсенді қатысқан қызметкерлердің барлығына мейірімділік және қайырымдылық танытқаны үшін шын жүректен алғысын білдіреді және де балалардың проблемаларына бей-жай қарамағаны үшін рахметін айтады. Әрқайсысымыз әлеуметтік тұрғыдан осал топтардың балаларын мектепке дайындауға атаулы көмек көрсетуде азаматтық белсенділікті танытып, әрбір баланың мектепке басқан қадамы бақытты да оң болуы үшін қамқорлық жасай аламыз.