Спартакиада-2017

Жыл сайын, Мемлекет басшысының Қазақстан халқына Жолдауын жүзеге асыру, «Мемсараптама» РМК қызметкерлерін салауатты өмір салтына баулу, дене шынықтыру және спортпен систематикалық айналысуға тарту мақсатында, сондай-ақ, корпоративті рухты нығайту мақсатында спартакиадалар өткізіледі. Спортты қолдау және жарыстар ұйымдастыру «Мемсараптама» РМК әлеуметтік саясатының басты бөлігі болып саналады. Спартакиада-2017 «ALMA-TAU» (Шымкент қаласы) тау курортында 2017 жылғы 06 қыркйүектен бастап 9 қыркүйекке дейін өткізілді. Спорттық жарыстар спорттың 7 түрі бойынша өтті: волейбол, шағын футбол, шахмат, шашка, үстел теннис, жүзу және арқан тарту. Шараны «Мемсараптама» РМК бас директорының орынбасары Е.Ж. Едресов сөз сөйлеп, спартакиаданы ашып берді. Ойындар олимпиядалық жүйе бойынша өтті. Спартакиаданың барлық қатысушылары жеңске ұмтылды. Жарыстар өте қызықты және қарқынды өтті, команда және қатысушылардың жанкүйерлері өз қолдауларын білдіртіп отырды. Филиал командасы шағын футбол бойынша турнирде III орынға ие болды, жеке ойындарда, яғни шахмат бойынша турнирде II орынға ие болып, күміс медальды С.Ж. Акимжанов алды. Ойындар аяқталғаннан кейін қорытынды жасалып, спартакиаданың жабылу салтанаты өтті. Орын алған командалар грамоталармен, ескерткіш медалдармен және кубоктармен марапатталды. «Мемсараптама» РМК Алматы қаласындағы филиалының ұжымы Спартакиада-2017 барлық қатысушыларын шын жүректен құттықтап, «Мемсараптама» РМК басшылығына, «Мемсараптама» РМК Жергілікті кәсіподағы» ББ, шараны ұйымдастырушыларға: кәсіподақ төрағасының орынбасары Л.С. Шаймерденоваға, персоналдарды басқару бойынша бөлім бастығы Г.Т. Аймагамбетоваға, сонымен қатар, аталған шараны жоғарғы деңгейде өктізуді ұйымдастырғаны үшін «Мемсараптама» РМК Оңтүстік өңірі бойынша филиалына үлкен алғыс білдіреді.