Алматы қаласында «Қазіргі заманғы құрылыс ғылымы, жай-күйі және даму келешегі» атты Халықаралық ғылыми-тәжірибелік конференция өтті.

2016 жылғы 28 қазанда Алматы қаласында «Қазіргі заманғы құрылыс ғылымы, жай-күйі және даму келешегі» атты Халықаралық ғылыми-тәжірибелік конференция өтті. Іс-шара «Қазақ құрылыс және сәулет ғылыми-зерттеу және жобалау институты» АҚ-ның 85 жылдығына ұштастырылған. Мерейтойлы конференция Қазақстан Республикасы мемлекеттік органдары өкілдерінің, жақын шетелдердің және ТМД-нің ғылыми-зерттеу және жобалау институттары қызметкерлерінің сәулет және сейсмикалық төзімді құрылыс саласындағы қазақстанның әйгілі мамандарымен кездесуіне арналған алаңша болып табылды. Конференция бағдарламасында теориялық және эксперименталдық зерттеулер, сейсмикалық төзімді құрылыс, ақпараттық және цифрлық технологиялар, сондай-ақ жобалау және құрылыс салу тәжірибесінде Еурокодтарды қолдану бойынша тақырыптық секциялар қаралды. Ақпараттық және цифрлық технологиялар бойынша секциясына тыңдаушылар ретінде «Мемсараптама» РМК-нің, оның ішінде Алматы қаласындағы филиалының қызметкерлері (С.Б. Серікқалиев, Э. Садри) қатысты. Секция жиналғандарға «ҚазҚСҒЗжЖИ» АҚ мамандарының, сонымен қатар шақырылған шетелдік қонақтардың да баяндамаларымен танысуға мүмкіндік берді. Ұсынылған таныстырылымдар көбінесе ақпараттық үлгілеу технологияларын (Building Information Modelling) игеру мәселелерін, сонымен қатар Қазақстанның құрылыс саласында ақпараттық үлгілеу технологияларын қолдану тұжырымдамасы, Ресей Федерациясының ақпараттық үлгілеу саласындағы нормативтік базасының замануи жай-күйі, ВІМ ендіру үшін ғимараттың өмірщеңдік кезеңінің сатысын анықтау, құрылыс алаңында ВІМ-ді қолдану мүмкіншілігі және т.б. туралы ақпаратты құрады. Секцияның соңында тыңдаушылар ВІМ-ді құрылыс саласына ендіруге қатысты сұрақтарын қойып, тұжырымдама жобасына ұсыныстар енгізді, сондай-ақ ВІМ-ді қолдану және ауысу кезінде баяндамашылармен бірге өзекті мәселелерді талқылай алды. «Мемсараптама» РМК конференцияға қатысу мүмкіншілігі үшін «ҚазҚСҒЗжЖИ» АҚ-на алғыс білдіреді, мерейтойымен құттықтай отырып, ұйым ұжымына көпжылдық жемісті еңбек етуді тілейді.