Қазақстан Республикасының еңбек заңнамасына енгізілген өзгерістер мен толықтыруларға түсініктемелер беру бойынша семинар

2016 жылғы 21 қаңтар мен 22 қаңтардағы аралықта әкімшілік бөлімінің бас маманы Ш.Е. Рахметова және әкімшілік бөлімінің жетекші маманы Д.Н. Исагалиева «Мемсараптама» РМК қызметкерлері үшін өткізілген Қазақстан Республикасының еңбек заңнамасына енгізілген өзгерістер мен толықтыруларға түсініктемелер беру бойынша семинарға қатысып қайтты. Семинар Қазақстан Республикасы Кәсіподақтар федерациясының және Қазақстан Республикасының құрылыс кешені мен тұрғын үй-коммуналдық шаруашылық қызметкерлерінің Салалық кәсіподағының шақыруымен өткізілді. Семинардың мақсаты: Қазақстан Республикасының 2015 жылғы 23 қарашадағы жаңа № 414 Еңбек кодексіне сәйкес еңбек заңнамасындағы өзгерістермен таныстыру, кадрлық іс жүргізу және еңбек қатынастары мәселелері бойынша еңбек заңнамасындағы өзгерістермен таныстыру, міндетті талаптарды орындау, оларды орындамаған жағдайдағы жауаптылық бойынша қажетті іс-қимылдар, заңнама талаптары туралы тыңдаушыларға ақпараттар мен түсініктемелер беру болып табылды. Семинар бағдарламасында келесі мәселелер қаралды: қызметкерлердің өкілдері және олардың өкілеттіктері, қызметкерлердің өкілдерінің пікірлерін ескеру тәртібі; бәсекелес еместік туралы талап; еңбек шартының мерзімі, сынақ мерзімі туралы талап, жұмысқа қабылдау кезіндегі қажетті құжаттар; еңбек шартын жасау, өзгерту және толықтыру тәртібі; қызметкерді басқа заңды тұлғаға уақытша іссапарға жіберу; тараптардың келісімімен, жұмыс берушінің бастамасымен, қызметкердің бастамасымен еңбек шартын бұзу; шарт мерзімінің аяқталуына байланысты, қызметкерді басқа заңды тұлғаға ауыстыруға байланысты, тараптардың еркіне байланыссыз жағдайлар бойынша, қызметкердің еңбек қатынастарын жалғастырудан бас тартуына байланысты еңбек шартын бұзу; еңбек шартын жасасу талаптарының бұзылуы себебінен, ұйымның зейнеткерлерімен еңбек шартын тоқтату тәртібі; жұмыс берушінің бастамасымен еңбек шартын бұзу мүмкіндіктерінің шектеулілгі, тәртіптік жазалар, түнгі уақыттағы, демалыс және мейрам күндеріндегі жұмыс; қызметкердің мемлекеттік және қоғамдық міндеттерін орындауына кепілдіктер беру; жұмысын жоғалтуына байланысты өтемдік төлемдер; заңды тұлғаның атқарушы органын жетекшісінің және заңды тұлғаның алқалық атқарушы органының басқа мүшелерінің еңбек қатынастарын реттеу ерекшеліктері; келіссөздер жүргізу, келісімшарттар әзірлеу және жасасу тәртібі, ұжымдық шарттың мазмұны мен құрылымы, жеке еңбек дауын қарау тәртібі, жеке еңбек дауларын қарау бойынша жүгіну мерзімдері, бітістіру комиссиясы, еңбек арбитражы. Лекторлардың бірі - заң ғылымдарының докторы, профессор, Қазақстан Республикасының Еңбек кодексін әзірлеуге қатысқан Нургалиева Енлик Нургалиевна болды. Семинар соңында семинар қатысушыларына сертификаттар берілді.