Қарағанды облысының жобалау ұйымдары мен тапсырыс берушілерінің қатысуымен өткен семинар-кеңес

2016 жылғы 18 ақпанда «Мемсараптама» РМК Қарағанды облысы бойынша филиалының қызметкерлерімен Қарағанды облысының Кәсіпкерлер палатасының конференц-залында Қарағанды облысының жобалау ұйымдары мен тапсырыс берушілерінің қатысуымен заңнамада болған өзгерістерге байланысты ведомстводан тыс кешенді сараптама жүргізу үдерісі бойынша семинар-кеңес өткізілді. Қатысқандар: «Қарағанды облысының құрылыс басқармасы» ММ, «Аква-Рем» ЖШС, "Сантехэнергопроект" ЖШС, "Проектинжиниринг" ЖШС, «Гипроводхоз» ЖШС, «ГрадиентПроект» ЖШС, «Гражданпроект» ЖШС, «Карагандатехносервис» ЖШС, «Конэс» ЖШС, «КазДорПроект» ЖШС, «Караганда Строй Проект» ЖШС, «Промстройпроект» ЖШС, «Строй-Аст» ЖШС, «Стройбизнесконсалтинг» ЖШС, «Укспроект-2006» ЖШС, «Казтехнология» ЖШС, «Аспап» ӨК өкілдері. Филиал қызметкерлері ведомстводан тыс кешенді сараптама жүргізу үдерісін түсіндіру бойынша презентацияны, сондай-ақонлайн-режимде ведомстводан тыс кешенді сараптама жүргізудің бірыңғай порталымен жұмыс жасауды көрсетті. Қатысушыларға заңнамада болған өзгерістерге байланысты ведомстводан тыс кешенді сараптама жүргізу үдерістері, ведомстводан тыс кешенді сараптаманы жүргізу сызбасы, жобалау жұмыстарының құнын анықтаудың ресурстық әдісі, ведомстводан тыс кешенді сараптама жүргізудің құнын анықтау, ведомстводан тыс кешенді сараптама жүргізу бойынша функциялардың бөлігін бәсекелес ортаға табыстау туралы мәселелер түсіндірілді. Сонымен қатар, тіркеуден бастап ЖСҚ сараптамаға жібергенге дейін ведомстводан тыс кешенді сараптама жүргізудің бірыңғай порталымен жұмыс көрсетілді. Презентацияны және онлайн-режимдегі жұмысты көрсеткен соң, қатысушылар сұрақтар қойып, ұсыныстарын ортаға салды. Барлық қойылған сұрақтарға «Мемсараптама» РМК Қарағанды облысы бойынша филиалының қызметкерлері құзыреті шегінде жауап берді.