«Институционалдық реформаны жүзеге асыру жөніндегі 100 нақты қадам»

2015 жылғы 03 маусымда филиал қызметкерлерін Мемлекет басшысы Нұрсұлтан Назарбаевтың «Институционалдық реформаны жүзеге асыру жөніндегі 100 нақты қадам» Жолдауымен таныстыру шеңберінде филиал директоры жетекшілігімен кәсіпорын қызметкерлерінің жалпы жиналысы өтті, жиналыс барысында Мемлекет басшысының бес негізгі реформасы айтылды: 1. Кәсіби мемлекеттік аппарат құру 2. Заңның үстемдік құруын қамтамасыз ету 3. Индустрияландыру және экономикалық өсім 4. Біртектілік пен бірлік 5. Есеп беретін мемлекетті қалыптастыру Жиналыста Мемлекет басшысы Нұрсұлтан Назарбаевтың құрылыс және сараптама қызметіне қатысты индустриализациялау және экономикалық өсу бойынша реформада қарастырылған реформаларына ерекше көңіл бөлінді. Сонымен бірге, алдын-ала жобалау және жобалау-сметалық құжаттамасына сараптама жүргізуге арналған мемлекеттік монополиядан кезең-кезеңмен бас тарту және жобаларға сараптама жүргізуді бәсекелестік ортаға беру жоспары айтылды. Құрылыстың сметалық құнын анықтаудың ресурстық әдісін және құрылыстағы бағаны белгілеудің жаңа әдісін енгізу, сондай-ақ, ескі құрылыстық нормалар мен ережелердің орнына еврокодтар жүйесін енгізу жайлы сөз қозғалды. Қызметкерлермен өткен жиналыста басқа да кәсіпорын мәселелері талқыланды және жиналыс нәтижесі бойынша хаттама жасалды.