Жастар кеңесінің қайырымдылық акциясы

Жылсайын «Мемсараптама» РМК мүмкінідігіне қарай, еліміздің мұқтаж жандарына, сондай-ақ балалар үйіне және мектеп-интернаттарға арнап қайырымдылық және демеушілік көмек көрсетіп отырады. «Мемсараптама» РМК ұжымы 2014 жылы да осындай қайырымдылық шарасын ұйымдастырды. Осы жолы Ақмола облысы Білім беру басқармасы «Атбасар қаласындағы ақыл-ой бұзушылықтары мен психикалық дамуы кеш дамыған балаларға арналған № 2 облыстық арнайы түзету мектеп-интернаты» ММ-не қайырымдылық көмегі көрсетілді. Іс-шараның бастамасы мен ұйымдастырушысы «Мемсараптама» РМК-ның Жастар кеңесі. 2014 жылдың желтоқсан айында Қазақстан Республикасының Тәуелсіздік күні қарсаңында Жастар кеңесінің мүшелері қызметкерлердің жеке қаражаттарына сатып алынған сыйлықтарды мектеп-интернатқа барып балаларға табыс етті. LED телевизор, спорт инвентары (футбол және волейбол доптары, теннис құралдары, шағын батут, гантелдер, эспандерлер және тренажерлар), үстел ойындары (дойбы, шахмат, хокей, монополия, домино), конькилер және тәтті торттар. Қонақтар келуіне ора»й, мектеп-интернат балалары тамаша концерт ұйымдастырды