«Мемсараптама» РМК құрылуының 25 жылдығына арналған Спартакиада

Мемлекеттік сараптама жүйесінің құрылуының 25 жылдығын атап өту мақсатында «Мемсараптама» РМК «Бурабай» Мемлекеттік ұлттық табиғи паркінің аумағында 2013 жылғы шілденің 18-21 аралығында спартакиада өткізді.
Спорт шаралары спорттың 5 түрінен жүргізілді: шағын футбол, волейбол, шахат, үстел теннисі және арқан тарту.
«Мемсараптама» РМК және оның аумақтық бөлімшелерінің 140-қа жуық қызметкерлері спартакиада ойындарына ат салысты.
Жарыс нәтижесі келесідей болды:
1 орын – Алматы облысы бойынша филиалының командасы;
2 орын – Астана қаласы бас кәсіпорынның командасы;
3 орынды екі команда бөліп алды: Алматы қаласы бойынша филиалының командасы және Ақмола облысы бойынша филиалының командасы.
Спартакиаданың салтанатты жабылуында жарыстың әр түрінен жеңіске жеткен әр жеңімпазға кубоктар, ескерткіш медальдар, ақшалай сертификаттар, сондай-ақ аса көзге түскен спортсмендерге бірнеше номинациялар бойынша бағалы сыйлықтар берілді.