«Мемсараптама» РМК-да Heilongjiang Construction Investment Group компаниясының делегациясымен кездесу өтті

2026 жылғы 13 мамырда «Мемсараптама» РМК-да Қытай Халық Республикасының Хэйлунцзян провинциясындағы ірі құрылыс және инвестициялық компаниялардың бірі — Heilongjiang Construction Investment Group Co., Ltd. делегациясымен кездесуі өтті.
Кездесу барысында тараптар ынтымақтастықты дамыту перспективаларын, жобалау және құрылыс сараптамасы саласындағы тәжірибе алмасу мәселелерін, сондай-ақ заманауи инженерлік шешімдер мен технологияларды енгізу бағыттарын талқылады.
Heilongjiang Construction Investment Group Co., Ltd. тұрғын үй, жол, көпір, гидротехникалық және гидроэнергетикалық құрылыс салаларында қызмет атқаратын ірі көпсалалы құрылыс-инвестициялық холдинг болып табылады. Компания Қытайдың 31 провинциясында жұмыс істейді және әлемнің 29 елі мен өңірінде жобаларды іске асыруда.
Холдинг құрылымына екінші деңгейдегі 14 кәсіпорын мен үшінші деңгейдегі 200-ден астам ұйым кіреді. Компанияда 21 мыңнан астам қызметкер еңбек етеді.