Сыбайлас жемқорлықтың алдын алу шаралары «Мемсараптама» РМК филиалында талқыланды

Батыс өңірі бойынша «Мемсараптама» РМК филиалында сыбайлас жемқорлықтың алдын алу тақырыбында кездесу өтті. Іс-шараға филиал директоры К.Ж. Мыктыбаев және Маңғыстау облысы бойынша Мемлекеттік қызмет істері агенттігінің басқармасының сыбайлас жемқорлықтың алдын алу бөлімінің бас маманы Жамбыл Курманов қатысты.
Кездесу барысында сыбайлас жемқорлыққа қарсы іс-қимылдың өзекті мәселелері, сондай-ақ мемлекеттік және квазимемлекеттік секторларда сыбайлас жемқорлық тәуекелдерін төмендету шаралары қарастырылды. Сыбайлас жемқорлықпен күрес жүйелі тәсілді және мемлекеттік органдар мен қоғамның белсенді қатысуын талап ететіні атап өтілді.
Сондай-ақ заңнаманы сақтау, әр қызметкердің жеке жауапкершілігі және адалдық мәдениетін қалыптастыру мәселелеріне ерекше назар аударылды.
Іс-шара қорытындысы бойынша қатысушылар сыбайлас жемқорлыққа қарсы жұмысты жетілдіру мәселелері бойынша пікір алмасты. Филиал ұжымы Жамбыл Курмановқа түсіндіру жұмыстары үшін алғыс білдірді.