Павлодар қаласында көпфункционалды конгресс-холл салу жобасына оң қорытынды берілді

«Мемсараптама» РМК «Павлодар қаласындағы “Достық” шағын ауданында 1500 орындық екі концерт залы бар көпфункционалды конгресс-холл салу» жобасына оң қорытынды берді.

Нысанның орналасқан жері: Павлодар қаласы, Достық шағын ауданы.

Жоба бойынша мәдени-бұқаралық іс-шараларды, концерттерді, конференциялар мен ресми кездесулерді өткізуге арналған заманауи үш қабатты көпфункционалды кешеннің құрылысы көзделген.

Бірінші қабатта 1000 орындық концерт залы, шығармашылық ұжымға және әртістерге қызмет көрсетуге арналған бөлмелер, репетициялық бөлмелер, сондай-ақ сахнаға қызмет көрсету үй-жайлары орналастырылады.

Екінші қабатта 280 орындық концерт залы, көркемдік жетекшілікке арналған бөлмелер, әкімшілік кабинеттер, репетициялық бөлмелер, конференц-зал және сахналық жабдықтарға арналған техникалық үй-жайлар қарастырылған.

Үшінші қабатта көрермендер залының балконы, VIP-бөлмелер, конференц-зал және қабылдаулар залы орналасады.

Жобаны іске асыру заманауи мәдени-іскерлік алаң қалыптастыруға, қала тұрғындары мен қонақтары үшін мәдени іс-шаралардың қолжетімділігін арттыруға, сондай-ақ Павлодар қаласының қоғамдық инфрақұрылымын одан әрі дамытуға ықпал етеді.

Тапсырыс беруші: «Павлодар облысының құрылыс басқармасы» ММ.

Бас жобалаушы: «Қазақ энергетика және байланыс ғылыми-зерттеу жобалау институты» ЖШС.