Республиканское государственное предприятие на праве хозяйственного ведения
«Государственная вневедомственная экспертиза проектов»
2026 жылғы 26–27 ақпанда Астана қаласында «Мемсараптама» РМК базасында 2025 жылғы қызмет нәтижелерін қорытындылау және мемлекеттік сараптама жүйесін одан әрі дамыту жөніндегі ұсыныстарды әзірлеуге арналған республикалық кеңес өткізілді.
Кеңес жұмысына Қазақстан Республикасының Өнеркәсіп және құрылыс министрлігінің Құрылыс және ТҮКШ істері комитетінің төрағасы Жүнісбеков Бақытжан Мұратұлы, кәсіпорын басшылығы, бас директордың орынбасарлары, орталық аппарат қызметкерлері, филиалдар мен департаменттердің директорлары, сондай-ақ кәсіподақ ұйымының өкілдері қатысты.
Кеңес Қазақстан Республикасы Өнеркәсіп және құрылыс министрлігінің Құрылыс және ТҮКШ істері комитетінің төрағасы Жүнісбеков Бақытжан Мұратұлының төрағалығымен өтті, ол кеңес жұмысына қатысып, кәсіпорынның басшылығы мен аймақтық бөлімшелерінің негізгі бағыттары бойынша баяндамаларын тыңдады.
Күн тәртібінде сараптамалық базаны жетілдіру, цифрлық шешімдер мен ақпараттық жүйелерді дамыту, жобалық құжаттаманың сапасын арттыру, сондай-ақ орталық аппарат пен аймақтық бөлімшелер арасындағы өзара әрекетті нығайту мәселелері қаралды.
Баяндамалармен бас директордың орынбасарлары, құрылымдық бөлімшелер басшылары және филиал директорлары сөз сөйлеп, есептік кезеңдегі жұмыстар нәтижесін, туындаған мәселелерді және сараптамалық қызмет тиімділігін арттыру бойынша ұсыныстарды ұсынды.
Кеңес қорытындысы бойынша мемлекеттік сараптама жүйесін одан әрі дамытуға, жобалық құжаттаманы қарау сапасын арттыруға және құрылыс саласында заманауи цифрлық құралдарды енгізуге бағытталған ұсыныстар әзірленді.