«Мемсараптама» РМК Алматы қ. спорттық-сауықтыру кешенін салу жобасына оң қорытынды берді

«Мемсараптама» РМК «Алматы қаласы, Түрксіб ауданы, Майлин көшесі, 42а мекенжайында дене шынықтыру-сауықтыру кешенін салу» жобасы бойынша оң қорытынды берді.
Жобада заманауи спорттық-сауықтыру кешенін (ФОК) салу көзделген. Оның мақсаты — бұқаралық спортты дамыту және халықтың денсаулығын нығайту.
Кешеннің спорттық және жаттығу аймақтары бір мезетте 312 адамға дейін қызмет көрсете алады. Жалпы орын саны — 785, оған спортшылар, көрермендер және әкімшілік қызметкерлер кіреді.
Кешен құрамына мыналар кіреді:
• су спорт түріне арналған зал;
• командалық спорт түріне арналған зал;
• тренажер және армрестлинг залы;
• жеке күштік дайындық залы;
• атыс тирі;
• велотренажер залы;
• үстел ойындарына арналған зал.
Көрермендерге арналған орын саны — 425.
Жобаның тапсырыс берушісі: «Алматы қаласы құрылыс басқармасы» КММ.
Бас жобалаушы: «КАПРЕМПРОЕКТ» ЖШС.