Ұлттық архив Мемсараптама қызметкерлеріне арналған семинар өткізді

Архив ісі мен құжат айналымы саласындағы құзыреттерді арттыру мақсатында 2025 жылғы 17 шілдеде «Мемсараптама» РМК бастамасымен Қазақстан Республикасының Ұлттық архивімен бірлесіп оқыту семинары өткізілді. Іс-шара онлайн форматта өтіп, Кәсіпорынның архив ісі, аударма және іс жүргізу бағыттарына жауапты барлық филиалдарының өкілдерін қамтыды.

Семинарда Ұлттық архив мамандары істер номенклатурасын жүргізу, сақтау мерзімдері, тұрақты сақтау мерзімі бар құжаттарды басып шығару және сканерлеу ережелері, ведомстволық архив және сараптама комиссиясы туралы ережелерді қалыптастыру, сондай-ақ істерді жою тәртібі мен оларды архивке тапсыру кестесі туралы негізгі мәселелерді егжей-тегжейлі түсіндірді.

«Мемсараптама» РМК Ұлттық архив мамандарына әдістемелік қолдау мен тиімді өзара іс-қимыл үшін алғыс білдіреді. Алынған білім Кәсіпорынның құрылымдық бөлімшелеріндегі архивтік процестерді біріздендіруге арналған практикалық құрал болмақ.