Радиациялық қауіпті нысандарды жобалау және сараптауға арналған семинар өтті

2025 жылғы 29-30 мамырда Алматыда «Радиациялық қауіпсіздік және қорғау» тақырыбында оқыту семинары өтті. Іс-шараға санитарлық-эпидемиологиялық сараптамаға маманданған «Мемсараптама» РМК орталық аппараты мен филиалдарының 9 сарапшысы қатысты.

Екі күн ішінде семинарға қатысушылар радиациялық қауіпті объектілерді салу, реконструкциялау және күрделі жөндеу жобаларын жобалауға, сараптауға және іске асыруға байланысты аспектілерді қоса алғанда, радиациялық гигиенаның негізгі мәселелерін терең қарастырды.

Семинарға «Мемсараптама» РМК орталық аппаратының санитарлық-эпидемиологиялық сараптама секторының сарапшылары – Е.Сансызбаев, Р.К.Сагандыкова, Д.А. Кульмаханова, Г. Е. Жанкулова, сондай-ақ филиал өкілдері - Р. А. Музафаров, А. З. Абдрахманова, А. А. Некрошевич, А. Г. Алтаева, Г. Т. Әбсаттарова қатысты.

Жалпы көлемі 16 академиялық сағат болатын курсты аяқтағаннан кейін барлық қатысушылар оқудың сәтті өткендігін растайтын сертификаттар алды.

Іс-шара сарапшылардың кәсіби құзыреттерін арттыруға және санитарлық-эпидемиологиялық сараптамалар жүргізу кезінде радиациялық қауіпсіздікті қамтамасыз ету саласында тәжірибе алмасуға ықпал етті.