«Шаруашылық-тұрмыстық және жерүсті ағынды суларды тазарту имараттары. Жобалау, салу, реконструкциялау»

«Мемсараптама» РМК Ақтөбе облысы бойынша филиалы қызметкерлерінің біліктілігін көтеру жөніндегі 2015 жылғы жоспар аясында, филиалдың өндірістік бөлімінің көлік, инженерлік желілер мен құрылыстар секторы сарапшысы Г.М. Айжарықова «ПРОГРЕСС» ҒТАО ұйымдастырып, 2015 жылғы 6-13 қыркүйекте РФ, Санкт-Петербург қаласында «Шаруашылық-тұрмыстық және жерүсті ағынды суларды тазарту имараттары. Жобалау, салу, реконструкциялау» тақырыбына өткізген семинарға қатысты. Семинар дәріскерлері шаруашылық-тұрмыстық суағарды тазарту имараттары, тұрмыстық суағарды тазарту технологиялық әдісі мен сызбасы, биогендік қоспалардан тазартудың қазіргі әдістемесі, жерүсті суағарды бұру жүйесінің есебі, реттелетін резервуарлар сызбасы мен құрылымы, белсендірілген көмір түрлері, нөсер ағын суларды мұнай өнімдерінен тазарту, тазарту имараттарын санитарлық қорғау аймағы жобаларын әзірлеу және т.б. жөнінде сөз етті. Әр семинар тақырыбына баяндама жасалған. Баяндама жасап, сөз еткендер: Санкт-Петербург мемлекеттік сәулет-құрылыс университетінің (СПбМСҚУ) профессоры Мишуков Б.Г., СПбМСҚУ доценті Верхотуров В.П., Ленин облыстық сараптама басқармасының сарапшысы Лысова Л.Н., СПбМСҚУ доценті Акимова Л.И., бетон технологиялары орталығының маманы Аманбаев А., СПбМСҚУ доценті Подпорин А.В. және Санкт-Петербург бойынша Ресей тұтынушыларды қадағалау басқармасының халықтың тұру жағдайын бақылау бөлімі бастығының орынбасары Боровков Н.В. Қатысушылар су қорын сақтау мәселесінің өзектілігін, РФ өзендер мен көлдер бассейндерінде органикалық зат, биогендік элементтер және басқа ластанулар концентрациясының артуының үрдісін талқылады. Семинар аяқталумен қатысушыларға үлестірме материалдары мен біліктілікті көтеру куәлігі берілді.