Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл Агенттігінің Атырау облысы бойынша департамерті өкілі қатысуымен жемқорлық мәселелеріне арналған дөңгелек үстел

Қазақстан мемлекеттік тәуелсіздіктің алғашқы күндерінен бастап сыбайлас жемқорлыққа қарсы іс-қимылдың тиімді, әлемдік стандарттарға сай институттары мен тетіктерін құру бағытымен мақсатты және кезең-кезеңмен жүріп келеді. Жемқорлыққа қарсы саясатты іске асырудың бірден-бір құралы Қазақстан Республикасы Президентінің жаңында әрекет ететін Сыбайлас жемқорлыққа қарсы күрес мәселелері бойынша комиссия, сондай-ақ Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл Агенттігі (бұдан әрі – Агенттік) болып табылады. Агенттік мемлекеттік қызметтің жаңа үлгісін жүзеге асыру мен жемқорлық көріністерін алдын-алудың функцияларын бірдей қамтиды. «ҚР мемлекеттік қызмет істері және сыбайлас жемқорлыққа қарсы іс-қимыл Агенттігінің Атырау облысы бойынша департаменті» РММ жемқорлықтың алдын-алу басқармасының бас маманы 2018 жылғы 29 мамырда «Мемсараптама» РМК Батыс өңірі бойынша филиалының Атырау қаласындағы өндірістік бөлімі (бұдан әрі – филиал) дөңгелек үстел түрінде өткізген іс шарада Агенттік қызметі жайында толық сипат берді. Осылайша, С.С. Сағытжанов «Сыбайлас жемқорлық мәдениетін қалыптастыру, жемқорлықтың алдын-алу және жемқорлық құқық бұзушылық жауапкершілігі шаралары» тақырыбына дәріс өткізіп, шенеуніктер мен мемлекеттік қызметкерлер арасында жемқорлыққа қатысты бұзушылықтар жөнінде бейнеролик көрсетіп, әр құқық бұзушыға қолданған шара туралы толық мәлімет беріп, филиал қызметкерлерін қызықтырған сұрақтарға жауап беріп, Агенттік жүзеге асырған және келешекте асыратын жобалар жөнінде сөз етті. Іс шарада талқыланған тақырыптар ескертпелі бағыт алды. Сонымен, филиал қызметкерлері сыбайлас жемқорлық, оның көріністері мен бұлтартпау шаралары жайында көбірек біліп алды. «ҚР мемлекеттік қызмет істері және сыбайлас жемқорлыққа қарсы іс-қимыл Агенттігінің Атырау облысы бойынша департаменті» РММ басшылығына және жемқорлықтың алдын-алу басқармасының бас маманы С.С. Сағытжановқа пайдалы ақпарат алғанымыз үшін алғыс білдіреміз.