Сараптау қызметтерін жетілдіру мәселелері бойынша жиналыс

2017 жылдың 10 наурызында «Қоғамдық келісім» КММ-нің конференц залында: - Жобалау және сараптау қызметін жетілдіру; - Жобалау-сметалық құжаттаманы кешенді ведомстводан тыс сараптау кезіндегі комплектациялау тақырыптарында жиналыс өткізілді. Жиналысқа жергілікті орган өкілдері, кешенді сараптама қызметкерлері, аудандық сәулет және қала құрылысы басқармасының басшылары, құрылыс және тұрғын үй-коммуналдық шаруашылығы бөлімінің басшылары, жобалау мекемелерінің басшылары мен қызметкерлері қатысты. Жиналыста КВТСЖБЖ-дегі маңызды функционалды жүйе қарастырылды: жүйені басқару, пайдалану және сүйемелдеу жүйесі, кешенді сараптама жүргізудегі өзара әрекеттестік. ЖСҚ мен КВТСЖБЖ-да жұмыс жасағандағы мәселелер, туындайтын техникалық ақаулар және оларды алдын-алу бойынша іс-шаралар талқыланды. Талқылау бойынша келесідей шешімдер қабылданды: 1. «Мемсараптама» РМК-нің Батыс Қазақстан облысы бойынша филиалы қызметкерлерінің есебін назарға алу; 2. Тапсырысшылар мен жобалау мекемелеріне жобалау-сметалық құжаттаманы жасақтау барысында, жиналыста айтылған кемшіліктер мен қателіктерді назарға алу.