Ғимараттар мен құрылыстардың конструкцияларына техникалық зерттеу жүргізу жөніндегі семинарға қатысу туралы

«Мемсараптама» РМК Ақтөбе облысы бойынша филиалы қызметкерлерінің біліктілігін арттырудың 2015 жылға арналған Жоспарын орындау аясында, жинақтау бөлімнің конструкциялық секторының сарапшысы Сейтова А.С. 2015 жылғы 12-16 қазанда Санкт-Петербург қаласы, РФ-да «Прогресс» ҒТЗО өткізген «Ғимараттар мен құрылыстардың конструкцияларына техникалық зерттеу жүргізу» жөніндегі семинарға қатысты. Семинарда тас, ағаш, металл, темірбетон конструкцияларын (оның ішінде: мұнаралы құрылыстар іргетасы) зерттеу ерекшелігіне, құрал-сайман бақылау құралдары мен әдістеріне көп көңіл бөлінді. Бұл семинардың өзекті мәселесі – конструкциялық материалдардың биозақымдануы, қоршаған орта әсерінен пайда болатын конструкциялық материалдардың тоттану мен биозақымдану процестері, оларды қорғау тәсілдері қаралды. Сонымен қатар семинар қатысушылары 2015 жылғы 15-16 қазанда «Ғимараттар мен құрылыстар: мәселелері және мәселелерді шешу жолдары» тақырыбына Ұлы Петр Санкт-Петербург Политехникалық университеті, Ғимараттар мен құрылыстарды зерттеушілер қауымдастығы, «Венчур» өндірістік, ғылыми-зерттеу және жобалық-конструкциялық мекеме өткізген VI Халықаралық ғылыми-практикалық конференцияға қатыса алды. Конференция өткізу мақсаты жетекші кәсіпорындар мен мамандармен алдыңғы қатарлы тәжірибемен алмасып, ғимараттар мен құрылыстарды зерттеуде өзекті мәселелерді бірге отырып шешу және қарым-қатынас орнату болып табылды. Конференцияға Ресей, Украина, Белоруссия, Англия, Швейцария, Польша, Чехия мен Монғолияның жоғары оқу орындарының, ғылыми-зерттеу орталықтарының ғылыми қызметкерлері және құрылыс мекемелерінің жетекші мамандары ат салысты. «Мемсараптама» РМК Ақтөбе облысы бойынша филиалы ғимараттар мен құрылыстарды жобалау және салу саласындағы жоғары білікті мамандардан үйрену мүмкіндігі үшін семинар ұйымдастырушыларына алғысын білдіреді.