«Мемсараптама» РМК Ақтөбе облысы бойынша филиалының басшылығы ауысты

«Мемсараптама» РМК Ақтөбе облысы бойынша филиалының басшылығы ауысқаны жөнінде 2015 жылғы 5 қазанда белгілі болды. «Мемсараптама» РМК Ақтөбе облысы бойынша филиалының директоры қызметіне Ақмола облысы филиалы директорының бұрынғы орынбасары Ботенбаев Жандос Жанасқарұлы тағайындалып, Лекеров Саябек Омарұлы «Мемсараптама» РМК Алматы қаласындағы филиалының директоры қызметіне тағайындалды. Филиалдың жаңа басшысын «Мемсараптама» РМК-нің аппарат басшысы Н.П. Тихонюк таныстырды. Аппарат басшысы филиал қызметіне қосқан зор үлесі, жасампаз да адал еңбегі үшін С.О.Лекеровке алғыс білдіріп, оның кәсіпқойлығын, талпынысын және «Мемсараптама» РМК Ақтөбе облысы бойынша филиалының жетістіктеріне қол жеткізген көшбасы қасиеттерін атап өтті. Н.П. Тихонюк Ж.Ж. Ботенбаевтың өмірбаяны мен еңбек қызметімен таныстырып, бұрынғы қызметінде көрсеткен кәсіби қасиеттері жөнінде сөз етті. «Мемсараптама» РМК Ақтөбе облысы бойынша филиалы ұжымы Саябек Омарұлы Лекеровке игілігіне, филиал қол жеткізген жетістігіне, әр қызметкерге білдірген ықыласына алғысын айта отырып, филиал басшыларына іске сәт, сарқылмас қуат, зор денсаулық және көңілді көңіл күй тілейді!