Вход в систему
 
Время приёма посетителей с 09:00 до 12:30 часов
Республиканское государственное предприятие на праве хозяйственного ведения «Государственная вневедомственная экспертиза проектов»    
Телефон
+7 (7172) 57-44-84
E-mail
gosexpertiza@gosexpertiza.kz

«Тілге құрмет – елге құрмет» фестивалі

2013-09-25
«Тілге құрмет – елге құрмет» фестивалі
«Тілге құрмет – елге құрмет» фестивалі
«Тілге құрмет – елге құрмет» фестивалі
22-қыркүйек «Халықаралық тілдер күніне» арналған мерекелік шара «Мемсараптама» РМК-нің Павлодар облысы бойынша филиалында да қалыс қалған жоқ. Іс-шара Астана қаласындағы бас кәсіпорынның ұйымдастыруымен 2011 жылдан бастап өткізіліп келе жатқан, қазіргі күні дәстүрге айналған фестиваль түрінде «Мемсараптама» РМК-нің 16 облыстағы филиалдарының арасында өткізіліп келеді. 2011 жылы бұл фестиваль Астана қаласындағы бас кәсіпорында өткізілген болатын. Сол жылы 1 орын иеленген Өскемен қаласындағы филиалға келесі жылы фестиваль өткізу құрметі берілген. Ал 2012 жылы Өскеменде ұйымдастырылған фестивальдің эстафетасын Талдықорған қаласындағы филиал иеленген болатын. Сондықтан биыл Павлодар қаласының ұжымы Талдықорғанда ұйымдастырылған «Тілге құрмет – елге құрмет» республикалық фестиваліне қатысып қайттық. Жеребе тастау тәртібімен таңдалатын әр ұлт өкілдерінің ішінен біз 2011 жылы тәжік, 2012 жылы грузин ұлты болсақ, биылғы жеребе тәртібі бойынша біздің ұжымға чуваш ұлты түскен еді. Конкурстың шарты бойынша сайыс үш айналымнан тұрды. Бірінші - ұлттық киім киіп Павлодар өңірі туралы өлең оқу, екінші - чуваш тіліндегі өлеңді ешқандай фонограмма немесе минусовкасыз сүйемелдеумен айтып шығу, үшінші - вальс билеу. «Мемсараптама» қызметкерлері бұл сайысқа барынша дайындалды. Фестиваль 20 қыркүйек күні Талдықорған қаласында өтті. Фестиваль өте қызықты және тартымды өткізіліп көпшіліктің көңілінен шықты. Осы тартыста біздің ұжым «Ең үздік ұлттық киім» номинациясын иеленіп қайтты. Бұл номинацияны жеңіп алуымызға өз үлесін қосқан «Райса сән үйі» болды. Ал бірінші орын алып келесі жылы фестиваль ұйымдастыру құрметін «Мемсараптама» РМК-нің Атырау қаласындағы филиалы иеленді. Фестивальға қатысушылардың барлығы арнайы диплом, алғыс хат, бағалы сыйлықтармен марапатталды.